{ LIFESTYLE }
11 Feb 2019
周星馳落實拍攝《功夫2》
 自爆唔拍戲原因?!

最近忙於宣傳電影《新喜劇之王》嘅星爺周星馳,日前係廣州出席活動時親口證實會拍《功夫2》,不過電影唔係第一集嘅延伸,只係同《功夫》有一樣的方向,係講述發生係外國嘅現代故事,消息一出後令好多粉絲都相當驚喜!





有影迷係活動上直接問星爺,會否親自出演《功夫2》時,佢反問影迷,「我可以嗎?你覺得……」影迷即刻回應,「可以,跑龍套也行。」星爺即答:「係哦!我係茄哩啡嚟噃,同埋而家係一個幾廿歲嘅茄哩啡。」影迷笑稱唔介意,不過星爺就表示自己好介意,「我而家冇咁打得喎,畀人打仲得,咁樣呀!呢個其實真係諗得過。」




其後星爺都有講到自己唔拍戲嘅原因,佢表示由佢淡出幕到今時今日,搵佢拍戲嘅人都未停過,「希望找我拍戲、演出,這些人排隊排到法國這麼多,但是我一部都沒…演出過,為什麼?因為…我其實不方便講,不過今日見大家很高興就講一下。」



期間星爺被問係咪片酬太貴,佢就話唔係,並指出因為好多電影都唔係自己想做嘅嘢,「要我喜歡的才做,我不為錢去做任何事,這個就是我想講的。」



source:微博
text:Alina

YOU MAY ALSO LIKE
News
Feature
Blog
Load more
 
NOTIFICATION