{ BEAUTY }
01 Feb 2019
700萬整形大改造!!日女公開整形進化史



係依家呢個世代,整容都唔係咩新鮮事,不過咁大方公開自己整容嘅真係唔係咁多個!日本呢位叫做「明治」嘅Cosplayer就非常大方係網上分享自己整容前後嘅經過,你地又覺得佢整得如何呢?





 

「明治」一直都對自己突出嘅下顎同扁平嘅鼻都好自卑,喜歡Cosplay嘅佢仲因爲外表而被人嘲笑,所以決心嚟個大改造,而未「課金」前嘅樣係咁嘅。

 









經過多個整容手術,當中包括下顎矯形、人中縮短、V Line瘦面、開眼頭、牙齒矯正、隆鼻、淚袋、去黑眼圈等等,最終「明治」都整到自己理想嘅容貌,真係聽到都覺得痛!!望落仲有啲似日本雜誌嘅模特兒!而佢總共用咗700萬日圓,即係港幣50萬,除咗有上節目之外,仲有整容講座邀請佢去添!!

 







過程中當然唔係話一整就搞掂,「明治」稱自己付上120%努力去承受痛苦,由於下顎手術令佢食唔到嘢,期間暴瘦13Kg,經歷半年嘅恢復期先去到依家個樣。整容過後亦要定期打美容針維持效果,又要去醫院檢查慎防填充物有致癌風險,名副其實係愛靚唔愛命!









 

當然唔係要鼓吹整容風氣,要決定整容唔單止要忍受無比痛苦同承擔往後風險,金錢上嘅考量都非常重要,加上冒完險後整得靚唔靚又係另一回事,大家真係要三思同量力而為啊!

 

Sourcememe_metan

YOU MAY ALSO LIKE
News
Feature
Blog
Load more
 
NOTIFICATION